Kartofle obieromy , wciepujemy do wody ze solom i warzymy.Załerkrałt (kwaśno kapusta) kromy drobno coby nom się potym nie ciongła i warzymy do miynkiygo .Jak to się już fajnie warzy , kromy we wyrfle (kostka) szpek (boczek) i topimy na szpyrka (skwarki).Jak szpek jest chudy cza dodać tuste (smalec). Wciepujemy do tego pokrono drobno tyż we wyrfle cebula i smażymy aż się zrobi fajnie złoto .Kartofle i kapusta odcedzomy , wciepujemy do srogiygo gorka , szpyrki z cebulom tyż .Dodowomy pieprz, sol i maggi i sztamfujymy (ubijamy tłuczkiem).Nojlepszy jest do tego sztamfer (tluczek) taki np.żelazny z lochami (otworami).Jak nom się wszysko cuzamen do kupy (razem) fajnie wymiyszo , robimy jeszcze kostproba i warzechom (łyżka drewniana) mieszomy pora razy coby buło jeszcze lepiyj połonczone .Wciepujemy na talyrz i robimy kupka , a w niej dołek coby potym wloć zołza (sos). Jo podaja panszkraut z żeberkami z bratruły (z piekarnika) i zołzom , ale dobre tyż jest z karminadlami (kotlety mielone) . Możno tyż miast kwaśnyj dać słotko kapusta (cza wtedy na koniec doprawić trocha octem abo sokiem z citryny) .Możno tyż wymiyszać łobie te kapusty cuzamen. Jeszcze nie spotkałach żodnygo coby mu to nie smakowało :).