Flajsz cza umyć , wysuszyć , podzielić na koncki .Wciepujemy go do miski .Polywomy olejem (kajś ze 2-3 łyżki) , dodowomy sól , pieprz , listek , ziele , papryki , majoranek , czosnek (zesztamfowany abo drobniusko pokrony) i mieszomy . Dobry tysz jest aminek (kminek) , ale u mnie bajtle (dzieci) go nie lubiom :(.Jak mom ochota polywom to jeszcze citronenzaftem (sokiem z cytryny) , ale to nie jest mus ino takie moje wymyślanki .Przykrywomy i wstawiomy do lodówki .Jo czymia to tam cołki dzień ale możno tyż tak ze godzina coby się mienso fajnie przeżarło prziprawami . Bierymy brytfana (może tyż być szklane naczynie odporne na gorko) , wciepujemy tuste (smalec) abo olyj , żeberka i cebula pokrono we wyrfle (kostka) , przykrywomy i wstawiomy do bratruły (piekarnika) .Temperatura rychtujemy kajś na 180-190 stopni i bratujemy kole godziny, dowajonc pozór coby się nie przypaloło (podlewać wodom, bulijonym abo biyrym/piwem ).Odlywomy zołza (sos), przecedzomy , dolywomy trocha wody abo bulionu i zaklepujemy (fyrlomy 2 łyżki mąki z połowom szolki/szklanki wody i wlywomy do zołzy ,cołki czas fyrlac coby się klompy nie porobioły ), robimy kostproba czy dobre, jak coś to dodać jeszcze soli i pieprzu , maggi, vegety abo co tam kto lubi.
Żeberka wciepujemy nazod do bratruły , zmniejszomy temperatura na 160-175 stopni i bratujemy (pieczemy) jeszcze ze pól godziny bez dekla (bez pokrywki) .
Podaja je z panszkrautem i wszyscy se to chwalom :-)